Urdu Poem: Mirza Ghalib: Baghal Mein Ghair Ki

Sata-ish gar hay zahid iis qadr, jis baghay rizwan ka
Woh ik guldastah hay ham bekhudon kay taqay nisyan ka
Biyan kiya kijyee bedaday kawish haye muzgan ka
Keh har yak qatrah-a khun, danah hay tasbihay marjan ka
Nah aa-e satutt qatil bhi maney, meray nalon ko
Liya danton mein jo tinka, huwa reshah naystan ka
Dikhaon ga tamasha, di agar fursat zamanay nay
Mira har daghay dil, ik tukham hay sard charaghan ka
Kiya aainah khanay ka woh naqshah, teray jalway nay
Karay jo partaway khurshid, aalam shabnamsatan ka
Miri ta'mir mein muzmir hay ik surat kharabi ki
Hiyola barq khirman ka, hay khunay garam dehkan ka
Oga hay ghar mein ha su sabzah, wirani tamasha kar
Madaar, abb khodnay par ghas kay hay meray darban ka
Khmoshi mein nihan, khun gushtah lakhon aarzuien hein
Chiraghay murdah hoon, mein bezuban, goray ghariban ka
Hanuuz, ik partaway naqshay khiyalay yaar baqi hay
Dilay afsurah, goya, hujrah hay yusaf kay zindan ka
Baghal mein ghair ki, aaj aap sotay hein kahein, warnah
Sabab kiya, khawab mein aa kar tabassum haye pinhan ka
Nahi ma'lum, kis kis ka lahu pani huwa ho ga!
Qiyamat hay, sarshak aaludah hona teri muzgan ka
Nazar mein hay hamari, jadah-a rahey fanah, Ghalib!
Keh yeh shirazah hay aalam kay ajza-a parishan ka

Urdu Poem: Mirza Ghalib: Ham Nay Chaha Tha Keh Mar Jaein

Shumar sabhah marghubay butay mushkil pasand aaya
Tamasha-a bayak kaff bardanay sadd dil pasand aaya
bah faizay bay-dili, nomidi-ye jawaid asan hay
Kushaish ko hamara oqda-a mushkil pasand aaya
Hawa-a seray gul, aaina-a bay-mehi-ye qatil
Keh andazay bakhun ghaltidanay bismil pasand aaya
Deher mein, naqshay wafa, wajahay tasalli nah huwa
Hay yeh woh lafz keh sharminah-a ma'ni nah huwa
Sabza-a khatt say, tira kakilay sarkash nah daba
Yeh zamurrad bhi harifay dam af-e nah huwa
Mein nay chaha tha keh andohay wafa say chuton
Woh sitamgar miray marnay peh bhi razi nah huwa
Dil guzargahay khiyalay mey-o-saghar hi sahi
Gar nafs jadah-a sar manzilay taqwa nah huwa
Hon tiray wadah nah karnay mein bhi razi keh kabhi
Gosh minnat kashay galbangay tasalli nah huwa
Kis say mehrumi-ye qismat ki shikayat kijyee
Ham nay chaha tha keh mar jaein, so woh bhi nah huwa
Mar giya sadmah-a yak jumbishay lab say Ghalib
Natawani say, harifay damay eesa nah huwa