Urdu Poem: Allama Iqbal: Aik Arzu

Dunya ki mehfilon say okta giya hoon yarabb!
Kiya lutf anjuman ka jab dil hi bujh giya ho
Shorish say bhagta hoon, dil dhondta hay mera
aysa sakut jis par taqrir bhi fia ho
Marta hoon khamshi par, yeh arzu hay meri
Daman mein koh kay ik chta sa jhonpra ho
Azad firk say hoon, ozlat mein din guzarun
Dunya kay gham ka dil say kanta nikal giya ho
Lazzat surur ki ho chiryon kay chehchahon mein
Chashmay ki shorishon mein baja sa baj raha ho
Gul ki kali chatak kar pegham day kisi ka
Saghar zara sa goya mujh ko jahan-numa ho
Ho hath ka sarhana, sabzay ka ho bichona
Sharma-a jis say jalwat, khalwat mein woh ada ho
Manus iis qadar ho surat say meri bulbul
Nanhay say dil mein os kay khatka nah kuch mira ho
Saf bandhay donon janib butay haray haray hoon
Naddi ka saf pani tasvir lay raha ho
Ho dil-fareb aysa kohsar ka nazzarah
Pani bhi moj ban kar, oth oth kay dekhta ho
Aghosh mein zamin ki soya huwa ho sabzah
Phir phir kay jhariyon mein pani chamak raha ho
Pani ko chu rahi ho jhuk jhuk kay gul ki tehni
Jesay hasin koi aainah dekhta ho
Mehndi laga-a soraj jab sham ki dulhan ko
Surkhi liye sunehri har phol ki quba ho
Raton ko chalnay walay reh jaein thak kay jis dam
Ommid on ki mera tuta huwa diya ho
Bijli chamak kay on ko kutya miri dikha day
Jab asman pay har su badal ghira huwa ho
Pichlay peher ki ko-il, wo subh ki mu-azzin
Mein os ka hamnawa hoon,woh meri hamnawa ho
Kanon pay nah ho meray dir-oharam ka ehsan
Rozan hi jhonprri ka mujh ko sehernuma ho
Pholon ko aye jis dam shabnam wudhu karanay
Roza mira wudhu ho, nalah miri dua ho
Iis khamshi mein jaein itnay buland nalay
Taron kay qafilay ko meri sada dara ho
Har dardmand dil ko rona mira rula day
Behosh jo paray hein shaid onhein jaga day

Urdu Poem: Allama Iqbal: Shamma

Bazmay jahan mein main bhi hoon ay shamma! dardmand
Faryad dar girah sifatay dana-a sapand
Di ishq nay hararat sozay daron mujhay
Oor gul-faroshay ashqay shafaq-gun kiya mujhay
Ho shamma-a bazmay aysh keh shamma-a mazar ttu
Har hal ashqay gham say rahi hamkinar ttu

yakbeen tiri nazar sifatay aashiqanay raz
Meri nigah maya-a ashobay imtiyaz
Kabay mein, butkaday mein hay yaksan tiri ziya
Mein imtiyazay dir-o-haram mein phansa huwa
Hay shan ah ki tiray duday siyah mein
Poshidah koi dil hay tiri jalwah gah mein

Jalti hay ttu keh barqay tajalli say dur hay
Bedard teray soz ko samjhay keh nur hay
Ttu ja rahi hay oor tujhay kuch khabar nahin
Bina hay oor sozay daron par nazar nahin
Main joshay iztirab say simabwar bhi
Aagahay iztirabay dilay beqarar bhi
Tha yeh bhi koi naz kisi beniyaz ka
Ehsas day diya mujhay apnay gudaz ka

Yeh agahi miri mujhay rakhti hay beqarar
Khawabidah iis sharar mein hein atish kaday hazar
Yeh imtiyazay rif-att-o-pasti iisi say hay
Gul mein mehek, sharab mein masti iisi say hay
bustano bulbulo gulo bu hay yeh agahi
Aslay kashakashay mano-ttu hay yeh agahi

Subh-a azl jo husn huwa dilstanay ishq
Awazay 'kun' hu-e tapash amozay janay ishq
Yeh hukm tha keh gulshanay 'kun' ki bahar dekh
Aik ankh lay kay khawabay parishan hazar dekh
Mujh say khabar nah puch hijabay wajud ki
Shamay firaq Subh thi meri namud ki
Woh di gaye keh qeyd say mein ashna nah tha
Zebay darakhtay tur mira ashiyanah tha
Qeydi hoon oor qafs ko chaman janta hoon mein
Ghurbat kay ghamkaday ko watan janta hoon mein
Yaday watan fasurdagi-ye besabab bani
Shoqay nazar kabhi, kabhi zoqay talab bani

Ay shamma! intiha-a farebay khiyal dekh
Masjuday sakinanay falaq ka ma-all dekh
Mazmun firaq ka hoon, thurayya nishan hoon mein
Ahangay tab-a nazimay kon-o-makan hoon mien
Bandha mujhay jo os nay tto chahi miri namud
Tehrir kar diya saray diwanay hast-o-bud
Gohor ko mustay khak mein rehna pasand hay
Bandish agarcheh sust hay, mazmun buland hay
Chashmay ghalat nigar ka yeh sara qasur hay
Alim zahuray jalwah-a zoqay shaur hay
Yeh silsilah zaman-o-makan ka, kamand hay
Taoqay galu-a husnay tamasha pasand hay
Manzil ka ishtiyaq hay, gum kardah rah hoon
Ay shamma! main asiray farebay nigah hoon
Saiyad aap, halqa-a damay sitam bhi aap
Khulta nahi keh naz hoon mein ya niyaz hoon
Haan, ashna-a lab ho nah razay kuhan kahein
Phir chirr na ja-a qissa-a daru-a rasan kahein

Urdu Poem: Allama Iqbal: Aftab

Ay aftab! Ruh-o-rawanay jahan hay ttu
Shiraza banday daftaray kon-o-makan hay ttu
Ba-iis hay ttu wajud-o-adam ki namud ka
Hay sabz teray dam say chaman hast-o-bud ka
Qaim yeh onsaron ka tamasha tujhi say hay
Har shey mein zindagi ka taqaza tujhi say hay
Har shey ko teri jalwah gari say sabat hay
Tera yeh soz-o-saz sarapa hayat hay
Woh aftab jis say zamanay mein nur hay
Dil hay, khird hay, Ruhay rawan hay, shaur hay
Ay aftab! ham ko ziya-a shaur day
Chashmay khird ko apni tajalli say nur day
Hay mefilay wajud ka saman taraz ttu
Yazdanay sakinanay nasheb-o-faraz ttu
Tera kamal-e-hasti har jandar mein
Teri namud silsila-a kohsar mein
Har cheez ki hayat ka parwardigar ttu
Zaidganay nur ka hay tajdar ttu
Nay ibtida koi nah koi intiha tiri
Azaday qeyday awwal-o-akhir ziya tiri