Urdu Poem: Allama Iqbal: Mojay Darya

Muztarib rakhta hay mera dilay betab mujhay
aynay hasti hay tarrap suratay simab mujhay
Moj hay naam mira, beher hay payab mujhay
Ho nah zanjir kabhi halqah-a gardab mujhay
Aab mein mithlay hawa jata hay tosan mera
Kharay mahi say nah atka kabhi daman mera

Mein ochalti hoon kabhi jazbay mehay kamil say
Josh mein sar ko patakti hoon kabhi sahil say
Hoon doo-rahro keh muhabbat hay mujhay manzil say
Kyon tarapti hoon, yeh puchay koi meray dil say
Zehmatay tangi-ye darya say gurezan hoon mein
Wus-atay beher ki furqat mein parishan hoon mein

Urdu Poem: Allama Iqbal: Dil

Qissa-a dar-o-rasan bazi-ye tiflana-a dil
Iltija-a, arini, surkhi-ye afsanah-a dil
YaRabb iis saghiray labrez ki mey kiya ho gi
Jadah-a mulkay baqa hay khatay pemanah-a dil
Abr-e-rehmat tha keh thi ishq ki bijli YaRabb!
Jal ga-e mazra-a hasti tto oga dana-a dil
Husn ka ganjay giran mayah tujhay mil jata
Ttu nay farhad! nah khoda kabhi wiranah-a dil
Arsh ka hay kabhi ka'bay ka hay dhoka iis par
Kis ki manzil hay Ilahi! mira kashanah-a dil
Iis ko apna hay junun oor mujhay soda apna
Dil kisi oor ka diwanah, mein diwanah-a dil
Ttu samajhta nahin ay zahiday nadan iis ko
Rashkay sad sajdah hay ik laghzishay mastanah-a dil
Khak kay dil ko aksir bana deti hay
Woh asar rakhti hay khakastaray parwanah-a dil
Ishq kay dam mein phans kar yeh riha hota hay
Barq girti hay tto yeh nakhl hara hota hay

Urdu Poem: Allama Iqbal: Shair

Qom goya jism hay, afrad hein a'aza-a qom
Manzilay san'at kay rah pema hein dast-o-pa-a qom
Mehfilay nazmay haqumat, chehra-a zeba-a qom
Shairay rangin nawa hay dida-a bina-a qom
Mubtila-a dard koi ozw ho, roti hay aankh
Kis qadar hamdard saray jism ki hoti hay aankh

Urdu Poem: Mirza Ghalib: Mein Khumyazah Hoon Sahil Ka

Sarapa rehenay ishq-o-naguziray olfatay hasti
Ebadat barq ki karta hoon oor afsos hasil ka
Baqarday zarf hay saqi! khumaray tashnah kami bhi
Jo ttu darya-a mey hay, tto mein khumyazah hoon sahil ka

Urdu Poem: Mirza Ghalib: Muhabbat Thi Chaman Say

Nah ho ga, yah biyaban mandgi say, zoq kam mera
Hababay mojah-a raftar, hay naqshay qadam mera
Muhabbat thi chaman say, lekin abb yeh bedimaghi hay
keh mohay bu-a gul say, naak mein aata hay dam mera

Urdu Poem: Mirza Ghalib: Mubarik-baad Asad!

Jirahat tohfah, almaas armaghan, daghay jigar had-yah
Mubarik-baad Asad! gham-khawar janay dardmand aaya

Urdu Poem: Mirza Ghalib: Baghal Mein Ghair Ki

Sata-ish gar hay zahid iis qadr, jis baghay rizwan ka
Woh ik guldastah hay ham bekhudon kay taqay nisyan ka
Biyan kiya kijyee bedaday kawish haye muzgan ka
Keh har yak qatrah-a khun, danah hay tasbihay marjan ka
Nah aa-e satutt qatil bhi maney, meray nalon ko
Liya danton mein jo tinka, huwa reshah naystan ka
Dikhaon ga tamasha, di agar fursat zamanay nay
Mira har daghay dil, ik tukham hay sard charaghan ka
Kiya aainah khanay ka woh naqshah, teray jalway nay
Karay jo partaway khurshid, aalam shabnamsatan ka
Miri ta'mir mein muzmir hay ik surat kharabi ki
Hiyola barq khirman ka, hay khunay garam dehkan ka
Oga hay ghar mein ha su sabzah, wirani tamasha kar
Madaar, abb khodnay par ghas kay hay meray darban ka
Khmoshi mein nihan, khun gushtah lakhon aarzuien hein
Chiraghay murdah hoon, mein bezuban, goray ghariban ka
Hanuuz, ik partaway naqshay khiyalay yaar baqi hay
Dilay afsurah, goya, hujrah hay yusaf kay zindan ka
Baghal mein ghair ki, aaj aap sotay hein kahein, warnah
Sabab kiya, khawab mein aa kar tabassum haye pinhan ka
Nahi ma'lum, kis kis ka lahu pani huwa ho ga!
Qiyamat hay, sarshak aaludah hona teri muzgan ka
Nazar mein hay hamari, jadah-a rahey fanah, Ghalib!
Keh yeh shirazah hay aalam kay ajza-a parishan ka