Urdu Poem: Mirza Ghalib: Aag Iis Ghar Mein Lagi Aysi

Dil mira, sozay nihan say, bay-muhaba jal giya
Aatishay khamosh ki manind goya jal giya
Dil mein, zoqay wisl-o-yaday yar tak, baqi nahin
Aag iis ghar mein lagi aysi keh jo tha jal giya
Mein adam say bhi paray hoon, warnah, ghafil! baar-ha
Meri ahay aatshin say, baalay anqa jal giya
Arz keejye johray andeshah ki garmi kahan!
Kuch khiyal aya tha wehshat ka keh sehra jal giya
Dil nahin, tujh ko dikhata warnah daghon ki bahaar
Iis charaghan ka, karon kiya, kar farma jal giya
Mein hoon oor afsurdagi ki aarzu, Ghalib! keh dil
Dekh kar tarzay tapakay ehlay dunya jal giya