Urdu Poem: Mirza Ghalib: Yeh Kaam Bhi Asan Nikla

Shoq, har rang, raqibay sarosaman nikla
qees, tasweer kay parday mein bhi, oryan nikla
Zakham nay daad nah di tangi-ye dil ki, YaRabb!
Tir bhi sinah-a bismil say par afshan nikla
Bu-a gul, nalah-a dil, duuday charaghay mefil
Jo tiri bazm say nikla, so parishan nikla
Dilay hasrat-zadah, tha maidah-a lazzatay dil
Kaam yaron ka, baqadray lab-o-dandan nikla
Hay no-amozay fanah, himmatay dushwar pasand
Sakh mushkil hay keh yeh kaam bhi asan nikla
Dil mein phir giryah nay shor othaya Ghalib!
Ah! jo qatrah nah nikla tha, ttufan nikla