Urdu Poem: Allama Iqbal: Insan Oor Bazmay Qudrat

Subh khurshiday durakhshan ko jo dekha mein nay
Bazmay ma'mura-a hasti say yeh pucha mein nay
Partaway meher kay dam say hay ojala tera
Simay saiyaal hay pani tiray daryaon ka
Meher nay nur ka zewar tujhay pehnaya hay
Teri mehfil ko iisi shamma nay chamkaya hay
Gul-o-gulzar tiray khuld ki taswirein hein
Yeh sabhi sura-a wash-shams ki ki tafsirein hein
Surkh pochak hay phulon ki, darakhton ki hari
Teri mehfil mein koi sabz, koi lal pari
Hay tiray khema-a gardun ki tila-e jhalar
Badliyan lal si aati hein jo ofq par nazar
Kiya bhali lagti hay aankhon ko shafaq ki lali
mey-a gulrang khumay sham mein ttu nay dali
Rutbah tera hay barra, shan barri hay teri
Pardah-a nur mein mastur hay har shey teri
Subh ik geet sarapa hay tiri satuut ka
Zeray khurshid nishan tak bhi nahi zulmat ka
Mein bhi aabad hoon is nur ki basti mein magae
Jal giya phir meri taqdir ka akhtar kyon kar?
Nur say dur hoon zulmat mein giraftar hoon mein
Kiyon siyah roz, siyah bakht, siyah kar hoon mein?

Mein yeh kehta tha keh awaz kahein say aa-e
Bamay gardon say ya sehnay zamin say aa-e
Hay tiray nur say wabastah miri bud-o-namud
Baghban hay tiri hasti pay gulzaray wahud
Anjuman husn ki hay ttu, titi taswir hoon mein
Ishq ka ttu hay sahifah, tiri tafsir hoon mein
Meray bigrray huway kaamon ko banaya ttu nay
Baar jo mujh say nah otha woh othaya ttu nay
Nur-e-khurshid ki mohtaj hay hasti meri
Oor bay-minnatay khurshid chamak hay teri
Ho nah khurshid tto wiran ho gulistan mera
Manzilay aysh ja naam ho zindan mera
Ah, ay razay ayan kay nah samajhnay walay!
Halqa-a daamay tamannah mein nah olajhnay walay
Haye ghaflat keh tiri aankh hay pabanday majaz
Naz zeba tha tujhay, ttu hay magar garmay niyaz
Ttu agar apni haqiqat say khabardar rahay
Nah siya roz rahay phir nah siyah kar rahay