Urdu Poem: Allama Iqbal: Aik Ga-a Oor Bakri

- BACHON KAY LIYE -

Ik charagah hari bhari thi kahein
Thi sarapa bahar jis ki zamin
Kia saman os bahar ka ho biyan
Har taraf saaf nadyaan thein rawan
Thay anaron kay beshumar darakht
Oor pippal kay saya-daar darakht
Thandi thandi hawaein aati thein
Tairon ki sadaien aati thein
Kisi naddi kay pass ik bakri
Chartay chartay kahein say aa nikli
Jab theher kar idhar odhar dekha
Pass ik ga-a ko kharay paya
Pehlay jhuk kar ossay salam kiya
Phir saliqay say yoon kalam kiya
Kyon barri bee! Mazaj kesay hein
Ga-a boli keh khair achchay hein
Kat rahi hay buri bhali apni
Hay musibat mein zindagi apni
Jan par aa bani hay, kiya kahiye
apni qismat buri hay, kiya kahiye
Dekhti hoon Khuda ki shan ko mein
Ro rahi hoon buron ki jan ko mein
Zor chalta nahi gharibon ka
Pesh aaya likha nasibon ka
Admi say koi bhala na karay
Iis say pala parray, Khuda na karay
Duudh kam doon tto burrburrata hay
Hoon jo dubli tto bech khata hay
Hatkandon say ghulam karta hay
Kin farebon say raam karta hay
Iis kay bachon ko palti hoon mein
Duudh say jan dalti hoon mein
Badlay neki kay yeh bura-e hay
Meray Allah! tiri duha-e hay
Sun kay bakri yeh majra sara
Boli, aysa gila nahi acha
Baat sachi hay bemaza lagti
Mein kahon gi magar Khuda lagti
Yeh Charagah, yeh thandi thandi hawa
Yeh hari ghas oor yeh saya
Aysi khushyan hamein nasibb kahan
Yeh kahan, bezuban gharib kahan!
Yeh mazay admi kay dam say hein
Lutf saray iisi kay dam say hein
Iis kay dam say hay apni aabadi
Qayd han ko bhali keh aazadi
So tarha ka banon mein hay khatka
Waan ki guzran say bacha-a Khuda
Ham pay ehsan hay barra os ka
Ham ko zeba nahi gila os ka
Qadar aaram ki agar samjho
Admi ka kabhi gila na karo
Ga-a sun ka yeh baat sarma-e
Admi kay gilay say pishta-e
Dil mein parkha bhala bura os nay
Oor kuch soch kar kaha os nay
Yoon tto choti hay zaat barki ki
Dil ko lagti hay baat bakri ki


This Blog Contains:

English Poems, Urdu Poems, Love Poems, Famous Poems, Friendship Poems, Sad Poems, Funny Poems, Birthday Poems, Wedding Poems, Death Poems, Children Poems, Short Poems, Family Poems, Romantic Poems, Nature Poems, Spiritual Poems, Religious Poems, Old Poems, New Poems, and All The Poems.