Urdu Poem: Allama Iqbal: Bachay Ki Dua

- BACHON KAY LIYE -

Lab pay aati hay dua ban kay tamanna meri
Zindagi shamma ki surat ho Khudaya meri
Dur dunya ka miray dam say andhera ho ja-a
Har jagah meray chamaknay say ojala ho ja-a
Ho miray dam say yunhi meray watan ki zinat
Jis tarha phol say hoti hay chaman ki zinat
Zindagi ho miri parwanay ki surat yarabb
Ilm ki shamma say ho mujh ko muhabbat yarabb!
Ho mira kaam gharibon ki himayat karna
Dardmandon say zaifon say muhabbat karna
Miray Allah! bura-e say bachana mujh ko
Nek jo rah ho, os rah pay chalana mujh ko